Այս ուսումնական շրջանն էլ ավարտվեց․․․ Միաժամանակ ավարտում եմ նաև երկրորդ կուրսը, չնայած որ այդքան էլ հավատս չի գալիս։ Ծրագրի խտությունից և անելիքների թվից էր կարծում եմ, որ այսքան արագ անցավ ժամանակը։ Մեծ թվով նախագծերի հասցրի մասնակցել, ուսումնասիրելով իրարից շատ տարբեր թեմաներ ու ոլորտներ` իսկապես շատ գիտելիքներ ձեռք բերեցի, ցավոք չհասցրի բավականաչափ ճամփորդել։ Վստահաբար կարող եմ ասել, որ սպասելիքներս կարողացա արդարացնել։
Տարին սկսվել էր հունվարյան ստուգատեսով և մասնագիտական Դիջիթեքով, հղումով անցնելով՝ կարող եք կարդալ առանձին ամփոփումը։
Այս ամիսների ընթացքում հետազոտական տարբեր նախագծեր իրականացրի, ինչը բացի գիտելիքից, նաև մեծ հաճույք պատճառեց ինձ։ Բացահայտեցի, որ անչափ սիրում եմ հետազոտություններ կատարել։ Ներքևում կթողնեմ հղումները, կարող եք կարդալ:)
Հայկական ճարտարապետությունը․ հետազոտություն
Արթուր Թարխանյան | Խորհրդանիշ դարձած ճարտարապետական ժառանգությունը
Traditional Dances Around the World
Օզոնային շերտ: Օզոնային շերտի քայքայումը | Հոդված
Բացի հետազոտություններ անելը, շատ սիրում եմ նաև թարգմանություններ անել։ Թարգմանություններից որոշները, նույնիսկ, հրապարակվել են «Արհեստագործ» ամսագրում:
Ցուցահանդես Սան Ֆրանցիսկոյում. Խաղողի մոլորակ
Ոսկերչություն — Թարգմանություն
Անգլերենի դասերի շրջանակում շատ բազմազան աշխատանքներ եմ իրականացրել, ինչը կրկնակի հետաքրքիր էր, քանի որ միաժամանակ լեզվական հմտություններ էի ձեռք բերում։ Այստեղ կան և՛ հետազոտական, և՛ վերլուծական, և՛ թարգմանական աշխատանքներ։ Այս մի քանի ամիսների ընթացքում կատարած աշխատանք ավելի մանրամասն ներկայացված է հաշվետվության մեջ։
Traditional Dances Around the World
Աշխատանքային գործունեության ուսումնասիրման շրջանակում ավելի լավ ծանոթացա իմ մասնագիտական ոլորտին, այնպիսի գիտելիքներ ձեռք բերեցի, որոնք անկասկած անհրաժեշտ կլինեն մոտ ապագայում։ Հենց այս առարկայի դասերի ընթացքում կազմեցի նաև սոցիալական հարցում, որն էլ հետագայում հրատարակվեց հոդվածի տեսքով։
Աշխատանքային գործունեության հիմունքներ— բաժինը
Երաժշտությունը մեր կյանքում․ սոցիալական հարցման արդյունքները
Մասնագիտական ոլորտի գործունեության ուսումնասիրություն
Մասնագիտական առարկաների շրջանակում նույնպես բազմաթիվ հետաքրքիր աշխատանքներ եմ կատարել։ Պատրաստել եմ պաստառներ, կայք, 3d մոդելներ և՛ համակարգչով, և՛ թղթից, իսկ այժմ աշխատում եմ բրենդավորման վրա։ Ըստ իս, արդեն ունեմ նաև բավականին հաջողված գծագրեր։
Գծագրություն— բաժինը
Ճամփորդել եմ դեպի Լեռնանիստ և հաղթահարել եմ Արմաղանի բարձրունքը․
Արմաղան․ Բարձունքի հաղթահարում
Չմոռանամ նշել նաև այցելածս ամենահետաքրքիր և տպավորիչ ցուցադրության մասին՝ Այցելությունը Թղթե ականներ պաստառների ցուցադրությանը։
Ձեռներեցություն առարկայից հանձնարարված էր մարքեթինգային պլան գրել։ Ընդգրկելով այս ամենում նաև մասնագիտական գիտելիքներս՝ կարողացա բիզնեսը բրենդավորել, ինչն ավելի հետաքրքիր և տարբերվող դարձրեց աշխատանքը։ Կարծում եմ ներկայանալի և հաջողված արդյունքն իմ փոխարեն ամեն ինչ կասի այս ամիսների ծավալուն աշխատանքի մասին։
Խոսելով մարքեթինգից, նշեմ նաև, որ մասնակցել եմ SMM-ի, կիբեռանվտանգության և ստարտափի մասին դասընթացների։
Կարծում եմ կարողացա գեղեցիկ ներկայացնել ամեն ինչ, հուսամ ոչինչ չեմ մոռացել) Առջևում դեռ մի փոքր ժամանակ կա, որի ընթացքում էլ պլանավորում եմ հաջողակ հանձնել քննություններս, և վերջապես, հանգիստ սրտով ճամփորդել ու վայելել ժամանակս։)